22 тамыз күні  Қостанай қаласындың «Жастар сарайы» базасында Қостанай облысының әкімі А.Б.Мұхамбетовтың қатысуымен білім беру қызметкерлерінің облыстық тамыз конференциясы өтті. Конференция тақырыбы: «Тәрбиенің негізгі құндылықтары: тәрбие мен оқытудағы адамгершілік нұсқаулар».

Конференцияға ауданымыздан делегат ретінде білім бөлімінің басшысы А.Т.Алимбаева және ауданның білім беру ұйымдарының басшылары шақырылды.

Конференция барысында аймақтық білім беру жүйесіндегі стратегиялық менеджмент; аймақтардағы білім беру жүйесінің даму перспективалары; өңірдегі білім беруді дамытудағы жеке балалар мекемелерінің әлеуеті; А.Байтұрсынұлының мектепті басқарудағы идеялары; колледж мүдделі тұлғаның көзімен, мәселелері қозғалды.Конференция барысында облыстағы үздік білім басқармалары аталды. «Бейімбет Майлин ауданының білім бөлімі» мемлекеттік мекемесі «Үздік аудандық білім бөлімі» номинациясы бойынша жеңімпаз атанып, бөлім басшысы 2 500 000 теңгенің сертификатымен марапатталды.